Thursday, November 29, 2007

വര്‍‌ഷ‌ ഋതുവില്‍

നിറനിലാവിന്‍ ശരന്നിശയോ
നീല നീരവ ശാദ്വല യാമം
പ്രിയതേ നിന്‍ നീള്‍മിഴിത്തുമ്പില്‍
ഇന്നുരുവാര്‍ന്ന സ്വപ്നമെന്താവോ

മിഴിജാലകങ്ങള്‍‌ക്കു മുന്നില്‍
ലയലാസ്യ വര്‍ഷര്‍‌ത്തു‌‌മേളം
കാറ്റിന്‍ വളകിലുങ്ങുമ്പോള്‍
മണ്ണില്‍‍ സുവാസവിലാസം

ആകെ നനഞ്ഞ മനസ്സിന്‍
ചാഞ്ഞ ചില്ലയില്‍ നിന്നോര്‍മ്മ പൂക്കെ
നിഴലിന്നിലച്ചാര്‍ത്തിലൂടെ
കനവുകള്‍ തന്‍ മിന്നലാട്ടം

ഏതോ കടുന്തുടിത്തോറ്റം
ശ്രുതി ചേര്‍ത്തിടും വേണുനിനാദം
നിനവുകള്‍ ഭൂര്‍ജപത്രങ്ങള്‍
പ്രണയവൈഖരീ ലിഖിതമീ വര്‍ഷം